Conozo un país onde´l mundu llámase
Zarréu Grandiella Picu la Mouta Paniceiros
Un mundu que perdeú l´aldu los caminos
Xerusalén llevantao na palma la mano d´un nenu
Un mundu que yera altu luminosu esbeltu
Naciente y fonte y vocación de ríu
Onde los homes callen y el silenciu ye renuncia
Onde escaecimos el ser Onde claudicamos
Un país onde la casa cai cai l´horru la ponte
El molín la ilesia l´home tamién cai
Onde la mirada yera pura cenciella
la xaceda que dexara la nube en cielu
Onde namás nos queda la memoria
corrompida de la infancia La nuesa soledá
L´abandonu de nueso
de Los nombres de la tierra
Xuan Bello, Ambos mundos (1988-2009), Trabe, Oviedo, 2010.
No hay comentarios:
Publicar un comentario